．嘩，個幾月無打過blog，好神奇既一件事
大概係因為我已經俾facebook搶走左
早排長開notebook掛rc
到依家就定時login check下我個農場有冇蟲
痴線架… ．我估五年前我開始打太鼓時
以為自己會一路打落去
到兩三年前再去打dm時
又以為自己會好努力再玩
直至依家已經係不停Jubeat同Pop'n
不過，始終都未有一件事做得滿意 大概就係咁…每日都總以為自己一定會係點
然後到將來行出去又係另一個結局… ．我已經好努力咁減少緊自己既夜生活…
一來儲錢…二來真係健康問題…
短短呢一年間由有腰到無腰再加多個啤酒肚做裝飾
我知我唔收手的話一定提早中年發福
都好既 改一改變個生活模式 ．唔知係唔係困得耐呢
我又有ｄ掛住各位老朋友
已經慢慢咁同好多人都失去左聯絡… 記得之前上堂既時候學過(陳年都係度講過架啦，再睇啦)
當一班人聚埋的時候總是一個cycle
由破冰，去到熟絡，然後一齊去完成一個目標
到最後，共同目標都完成左，呢個圈就會散
大家再去搵下一個目標，再開始下一個cycle… 呢個係工作上/活動上的情況
但無可奈何地，其實離開學校後(甚至其實回顧校園生活時)
呢個循環都不停出現出現再出現… 我唔係要周街都係朋友…
只係有ｄ朋友我真係想keep住
但都無辦法keep到…只可以睇住佢地走… ．早幾天去搵張仔同佢既排球隊友
佢既隊友講左句 其實我地都幾似
想想看 識左十幾年 由細玩到大
原來都幾難無地方相似…
或者呢個就係我地絕交又玩過 玩完又絕交既原因… 繼而 去安生家跟老朋友小聚時
又發現大家總有一份莫名的默契…
好奇怪…好好笑…又好親切… 這種就是老朋友吧？ ．又是六四了
去年六四我的心情很緊張
因為是第一次去真真正正了解六四
更有幸親身參與六四晚會的製作
短短十分鐘 是大家從百忙中抽出最多的時間去準備
還記得聽回自己讀絕食書的錄音 既興奮又感動 其實今年本想再報名的
但奈何…現在的身份不太合適
還是先避一避風頭 下年再落力一點吧 大概這是種緣份 在六四當年來到世界
有多少同年紀的人真真正正去了解過？
（當然，我都唔敢講自己知好多）
但又眼見時下不少年輕人對時事的批評
說成龍、說特首、說六四…
當然，我有幸能看到身邊有很多朋友都真真正正有時事觸角
甚至有清晰思維去分辨事非黑白
但係…除左呢一班熱血人士外
仲有幾多年青人係政治冷感
係咩都唔知咁去隨波逐流任人擺佈呢…？ 我還要學 我還要看更多
這亦算是其中一個我放下書本毅然走進社會的原因
我總覺得 書幾時都有得讀 只係愈大讀得愈辛苦
但係社會經驗 有時真係錯失左一個階段就搵唔返… 雖然…我已經覺得有ｄ沉重…
可能會再拾起書包… | 